Աշխարհի առաջին 3D գրիչը: 3Doodler

Կրեատիվ նախագծերի ֆինանսավորմամբ զբաղվող Ամերիկյան հայտնի Kickstarter կայքում տեղադրվել է մի նախագիծ, որը շատ մեծ արձագանք է ստացել ֆինանսավորողների և այլ մարդկանց կողմից: Նախագիծը կոչվում է 3Doodler: Այն գրչի տեսք ունեցող սարք է, որի օգնությամբ հնարավոր է ձուլված պլաստիկատից տարբեր եռաչափ առարկաներ նկարել օդում: 

Ինչպես տեսնում եք, 3Doodler-ի միջոցով նկարած պլաստիկ նյութն ակնթարթորեն չորանում է օդում և արդյունքում առաջանում են եռաչափ օբյեկտներ: Նախագիծը կյանքի կոչելու համար հեղինակները նախատեսում էին հավաքել $30 հազ, սակայն մի քանի օրում 19 հազ. օգտագործողներ արդեն հանգանակել են ավելի քան $1 մլն:

Մահապատժի դատապարտված բանտարկյալների վերջին ուտելիքները

Լուսանկարիչ Հենրի Հարգրիվսն այցելել է մի քանի բանտեր և լուսանկարել այն ուտելիքները, որոնք ցանկացել են ուտել բանտարկյալները մահապատժից առաջ:

Ինչպես տեսնել նույն Wi-Fi ցանցին միացված բոլոր սարքերի ցուցակը

Եթե ցանկանում եք իմանալ, թե ովքեր են տվյալ պահին միացված այն նույն Wi-Fi ցանցին, որին միացված է նաև Ձեր համակարգիչըը, ապա կարող եք օգտագործել այս չափազանց պարզ ու օգտակար ծրագիրը: Այն ցույց է տալիս նույն Wi-Fi ցանցին միացված սարքերի IP և MAC հասցեները, սարքերի անունները, Wi-Fi ադապտերների ֆիրմաները և այլ օգտակար տվյալներ: Ծրագիրը նաև ունի ձայնային ծանուցումների ֆունկցիա, որի միջոցով կարող եք տեղեկանալ տվյալ պահին ցանցին միացող նոր սարքավորումների մասին (Options->Beep on new device): Փաստորեն, եթե տանը ունեք Wi-Fi կապ և կասկածում եք, որ հարևանները նույնպես օգտագործում են Ձեր կապը, ապա կարող եք ստուգել այս ծրագրի միջոցով:

Ինչպես պաշտպանել Google-ի հաշիվը և կասկածելի դեպքերում ստանալ SMS ծանուցումներ

Կարծում եմ գիտեք, որ Google ընկերությունը օգտատերերին էլեկտրոնային նամակներ է ուղարկում կասկածելի մարդկանց կողմից համակարգ մուտք գործելու դեպքում, սակայն ոչ բոլորն են ամեն վայրկյան էլ. փոստերը ստուգում, որպեսզի կասկածելի դեպքերի դեպքում արագ արձագանքեն: Նմանատիպ դեպքերի համար Google-ն առաջարկում է ավելի հարմար ու արդյունավետ տարբերակ, որի դեպքում տեկեղացնող հաղորդագրությունները ուղարկվում են ոչ թե էլ. փոստին, այլ անմիջապես բջջային հեռախոսի վրա (SMS): Այսինքն, եթե Google-ը նկատում է օտար մարդու կողմից կասկածելի մուտք դեպի Ձեր պրոֆիլ կամ ինչ-որ մեկը փոխում է Ձեր գաղտնաբառը, ապա անմիջապես Google-ը ուղարկում է տեղեկացնող SMS Ձեր հեռախոսահամարին, որից հետո կարող եք համապատասխան քայլեր ձեռնարկել ու փոխել գաղտնաբառը:

1. Մուտք գործեք Google համակարգի որևէ ծառայություն:

2. Բացեք կարգավորումների էջը (կամ սեղմեք այստեղ):

3. Ձախ կողմից ընտրեք Security:

4. Կատարեք նկարում նշված կարգավորումները:

Chrome և Firefox դիտարկչների միջև տեղի ունեցավ WebRTC տեխնոլոգիայով վիդեոչաթ

Mozilla Firefox   և Google Chrome դիտարկիչների միջև կայացավ առաջին վիդեոչաթը, որի հիմքում ընկած էր WebRTC տեխնոլոգիան: Այսինքն այդ վիդեոչաթի համար դիտարկիչները ոչ մի լրացուցիչ ծրագիր ու հավելված չեն օգտագործել: Mozilla-ի կողմից զրույցին մասնակցել է Թոդ Սիմփսոնը, իսկ Google-ի կողմից` Հյու Ֆինենը: Վիդեոչաթի համար օգտագործվել են Google Chrome-ի 25-րդ և Firefox Nightly 21-րդ տարբերակները: Նշեմ, որ այդ երկու տարբերակներն էլ գտնվում են փորձարկման փուլում և այժմ հասանելի են միայն բետա տարբերակներով:

WebRTC-ն հանդիսանում է բաց ծրագրային կոդով նախագիծ, որը նախատեսված է դիտարկիչների միջև վիդեոհոսքեր փոխանցելու համար: Այդ տեխնոլոգիայի հիման վրա հնարավոր է նաև հետաքրքիր ու օգտակար ծրագրեր նախագծել: WebRTC նախագիծն աջակցում է նաև Opera ընկերությունը, իսկ ահա Microsoft ընկերությունը մտադիր է ստեղծել  WebRTC-ի սեփական տարբերակը:

Հյուսային Կորեայի քարտեզը բարելավվել է օգտատերերի ջանքերով

Google-ի քարտեզների վրա հայտնվել է աշխարհի ամենափակ երկրներից մեկի՝ Հյուսիսային Կորեայի մանրամասն քարտեզը: Քարտեզի վրա այժմ տեսանելի են երկրի գլխավոր ճանապարհները, փողոցները, այգիններն ու այլ վայրերը: Փհենյանի քարտեզի վրա նշված են մետրոյի ու հասարակական այլ տրանսպորտների կայարանները: Նախկին և ներկայիս քարտեզները կարող եք համեմատել ներքևի լուսանկարում:

Հին քարտեզ                                        Նոր քարտեզ

Google ընկերությունը տեղեկացնում է, որ քարտեզների բարելավման գործում իրենց ներդրումն ունեն Google Maps Maker ծառայության օգտատերերը: Տեղեկացնեմ, որ Google Maps Maker ծառայությունը թույլ է տալիս քարտեզների վրա կատարել լրացումներ կամ ավելացնել նոր օբյեկտներ (հաջորդ գրառումներից մեկում կանդրադառնամ այդ ծառայությանը)

Չափեք Ձեր ինտերնետի արագությունը